Gerard Pique thotë se ai dhe bashkëlojtarët e tij do të gëzoheshin nëse Neymar kthehet në Barcelonë para se të mbyllet afati kalimtar veror.
Sulmuesi brazilian pritet të largohet nga Paris Saint-Germain dhe klubi katalonas është favorit për shërbimet e tij, edhe pse edhe Real Madridi ka shfaqur interesim të fortë për të.
“Natyrisht se do të donim ta shohim Neymarin në klub përsëri”, tha Pique i pyetur për kthimin e mundshëm të brazilianit.
“Ama kjo është diçka mbi të cilën ne nuk kemi kontroll. Do ta lëmë në duart e atyre që vendosin dhe pastaj shohim në ditët në vazhdim”, shtoi ai.
Neymar ka qenë pjesë e klubit katalonas për disa vjet dhe më 2017 iu bashkua PSG-së për një shumë rekord botëror, 222 milionë euro.
Megjithatë, braziliani është penduar dhe po e kërkon me ngulm kthimin në Barçë.