Sport

Përgjigja e qartë e Pep Guardiolas kur u pyet nëse Karim Benzema është në nivelin e Lionel Messit

Pep Guardiola hodhi poshtë krahasimet midis Karim Benzemas dhe Lionel Messit kur u pyet nëse superylli i Real Madridit ishte në nivelin e argjentinasit.

Një gazetar e pyeti trajnerin e Manchester Cityn për sulmuesin francez rreth formës së tij mbresëlënëse.

Ai e quajti francezin ‘fantastik’, por refuzoi ta fuste në të njëjtin grup me gjashtë herë fituesin e Topit të Artë.

Ai tha për Marcan: “Benzema është i jashtëzakonshëm, fantastik”.

“Por, që nga koha ime në Barcelonë, ka pasur 20 lojtarë që kanë dalë në skenë dhe njerëzit kanë pyetur nëse mund ta krahasojmë atë me [Leo] Messin”.

“20 lojtarë”, shtoi ai.

Benzema ka vazhduar formën e tij ultra-produktive në sezonin e ri, duke shënuar 14 gola në 15 ndeshje – duke përfshirë 10 gola në La Liga.

Ai po konkurron me Messin për Topin e Artë këtë vit pasi ka shijuar një edicion të shkëlqyer.

Për shanset e tij për të fituar çmimin individual për herë të parë në karrierën e tij, 33-vjeçari tha: “Topi i Artë? Do të shohim se çfarë do të ndodhë… por unë shpresoj se po”.

“Jam i lumtur që jam përfshirë, luaj dhe shënoj në ndeshje. Jam shumë i lumtur dhe shpresoj se kjo mund të vazhdojë”.

“Në çdo rast, Kupa e Botës duhet të jetë një nga objektivat tona duke pasur parasysh ekipin që kemi”.

“Duhet të përgatitemi mirë për të arritur objektivat tona dhe Kupa e Botës është një prej tyre, sigurisht”, ka shtuar më tej Benzema.

Postime të ngjajshme
Sport

17 futbollistë rezultojnë pozitiv me Covid, skuadra portugeze futet në fushë me nëntë lojtarë

Sport

Mbyllet pa gola pjesa e parë mes Villarreal dhe Barcelonës, por Depay humbet një shans të artë

Sport

Formacionet zyrtare: Villarreal - Barcelona

Sport

Vushtrria kampion vjeshtor në prag të 100 vjetorit të klubit, ja si e festuan fitoren e sotme