Sport

Pas suksesit të arritur mbrëmë, përzgjedhësi i Zvicrës ka disa fjalë për futbollisten e ndjerë nga Kosova, Florijana Ismailin

Kombëtarja e Zvicrës në konkurrencën e femrave ka siguruar biletën për pjesëmarrje në Kampionatin Evropian 2022, shkruan Zeri.info.

Të martën mbrëma, Zvicra mposhti Çekinë me penallti, për të siguruar kështu pjesëmarrjen në Evropianin e vitit 2022 që mbahet në Angli.

Përzgjedhësi i Zvicrës, Nils Nielsen, u shfaq i lumtur dhe i emocionuar pas ndeshjes. Gjatë intervistës për “SRF”, ai mes lotëve tha: “Këto vajza kanë aq shumë karakter, sa që është fantastike të punosh me to”.

Kujtojmë se misioni i trajnerit danez te “Helvetikët” filloi shumë keq. Në verën e vitit 2019, menjëherë pasi ai mori detyrën e përzgjedhësit, ai mori një goditje të madhe.

Ish-reprezentuesja e Zvicrës me prejardhje nga Kosova, Florijana Ismaili, vdiq tragjikisht në liqenin Como të Italisë. Florijana ndërroi jetë në moshën 24-vjeçare.

E, për Nils Nielsen e rëndësishme është që ish-futbollistja e tyre të mos harrohet as në momente suksesi.

“Shpresoj që Florijana të jetë krenare për bashkëlojtaret e saj” – tha përzgjedhësi i Kombëtares së Zvicrës te femrat.

Postime të ngjajshme
Sport

Skuadra e madhe gjermane kërkon Granit Xhakën

Sport

Liverpool kërkon yllin e Real Madridit, ky është çmimi i vendosur për të

Sport

Joshua – Fury, konfirmohet data e duelit të shumë pritur

Sport

Zbulohet cili do të jetë transferimi i parë i Barcelonës