Sport

Pas fitores spektakolare ndaj Qipros, Kosova sot zhvillon ndeshjen e dytë në Kampionatin Evropian

Kohë për pushim nuk ka. Vashat e Kosovës A pas fitores dramatike ndaj Qipros 70:68, sonte nga ora 18:00 përballen me Luksemburgun në kuadër të Kampionatit Evropian për Shtete të Vogla, ku Dardanet po marrin pjesë për herë të parë.

Për Kosovën kjo është ndeshja e dyta në grupe, njëkohësisht edhe e fundit, kurse për Luksemburgun e para, derisa të enjten do të përballet me Qipron. Dy kombëtaret e para të Grupit kualifikohen në gjysmëfinale. Në Grupin tjetër bëjnë pjesë Irlanda, Malta dhe Andorra.

Nëse Kosova shënon fitore do të kualifikohet në gjysmëfinale, në të kundërt duhet të presë edhe sfidën e së enjtes Luksemburgu-Qipro për të mësuar ‘fatin’ e saj.

Basketbollistet e Kosovës tashmë janë liruar nga presioni i së përballjes së parë dhe nën udhëheqjen e shtabit teknik do të përgatiten për sfidën e dytë.

Kjo është hera e parë që Kosova A merr pjesë në një garë ndërkombëtare.

Ndeshja do të transmetohet në YouTube dhe faqen zyrtare të FBK-së në Facebook.

Postime të ngjajshme
Sport

Eksperti i jep shpresë Eriksenit: Mund të luajë me një kusht

Sport

Astrit Selmani, i pari që e realizon “hat-trick” në Conference Leauge

Sport

“Bombardon” përsëri Muriqi, realizon gol të bukur në miqësore me Lazion

Sport

EKSKLUZIVE: Agon Llugiqi bëhet me ekip të ri