Sport

Osmani tregon synimin e Dukagjinit, gjithashtu ka një premtim për tifozët e klubit

Dukagjini është skuadra e fundit që siguron kualifikimin në fazën e çerekfinales së Kupës së Kosovës. Skuadra e Armend Dallkut e ka eliminuar 2 Korrikun, pasi që e ka mposhtur me rezultat 3-1, shkruan Gazetasheshi.com

Mark Milicaj, Labinot Osmani dhe Altin Merlaku me një tjetër ndihmuan “Hithat” për të marrë ‘biletën’ drejt fazës së çerekfinales. Ndërkohë, Euron Leci realizoi golin e vetëm për skuadrën e 2 Korrikut.

“Bomberi” i skuadrës së Dukagjinit, Labinot Osmani, ka folur për Gazetën “Sheshi”.

Sipas Osmanit, fitorja ndaj 2 Korrikut ka qenë e pritshme për shkak të angazhimit dhe punës.

“Realisht kemi punuar për kualifikimin tutje në kuadër të Kupës së Kosovës dhe si rrjedhojë e punës kemi pritë të kualifikohemi”, potencoi Osmani.

Pas kalimit në çerekfinale, sulmuesi i mirënjohur kosovar shpreson që me skuadrën e Dukagjinit të shkojë sa më lartë në garën e Kupës.

“Ne do të punojmë për objektivat e klubit dhe arritjen e atyre objektivave, sigurisht ne do të provojmë që të shkojmë sa më lartë në Kupën e Kosovës”, shtoi më tej Osmani.

 

35-vjeçari ka folur edhe për objektivin kryesor që ka me skuadrën e Dukagjinit.

“Objektivi në sezonin pranveror është që të jemi të suksesshëm si në kampionat ashtu edhe në Kupë. Synojmë inkuadrimin në Superligën e Kosovës, por e përsërisë përsëri të shkojmë sa më lartë në Kupën e Kosovës”, vazhdoi sulmuesi.

 

Për fund sulmues vushtrrias ka edhe një mesazh të qartë për tifozët e Dukagjinit.

“Mesazhi për tifozë është që do të punojmë dhe do të angazhohemi në maksimum në realizimin e objektivave të klubit”, përfundoi Osmani.

Dukagjini zë vendin e parë në ‘Grupin A’ të Ligës së Parë ku ka mbledhur 26 pikë, aq sa ka edhe përcjellësi, Malisheva.

Postime të ngjajshme
Sport

FC Prishtina – Llapi kryendeshja e javës së 23-të

Sport

Fjalë të pakta, por me shumë kuptim… Ja çfarë thotë Klodian Duro pas fitores së Feronikelit

Sport

Arbëria pësoi disfatë nga Feronikeli, këto janë fjalët e Arbnor Morinës

Sport

Bylbyl Sokoli: Prita më shumë nga këta dy lojtar, e kam të çartë se çfarë duhet të ndryshojë