Lajme

OBSh-ja: Do të triumfojmë në luftën kundër Covid-it

Organizata Botërore e Shëndetësisë tha të mërkurën se njerëzimi nuk është duke e humbur luftën kundër pandemisë Covid-19 dhe në fund do të triumfojë përballë virusit.

Në kohën kur shifra ditore e viktimave të koronavirusit në botë shkoi për herë të parë në 18.000 dhe kur variantet e reja po përhapen rreth globit, Maria Van Kerkhove, udhëheqëse teknike e OBSh-së në luftën kundër Covid-19, tha se mutacionet nuk nënkuptojnë mposhtje.

“A nënkupton kjo që jemi duke e humbur luftën? Jo”, tha ajo gjatë një organizimi online të Organizatës Botërore të Shëndetësisë, shkruan AFP, transmeton Gazeta Express.

“Ne jemi në luftën e jetës sonë. Duhet të sigurohemi që nuk po e luftojmë njëri-tjetrin, por që po e luftojmë virusin, përfshirë variantet”, shtoi ajo.

“Ne mund ta mposhtim këtë virus dhe do ta mposhtim atë”, tha zyrtarja e lartë e organizatës që është duke e udhëhequr luftën kundër pandemisë.

Ndryshe, variantet e reja të koronavirusit, që janë shfaqur fillimisht në Britani të Madhe, Brazil dhe Afrikë të Jugur e që janë përhapur edhe në vende tjera, i kanë shqetësuar qeveritë dhe i kanë nxitur ato që ta shqyrtojnë ashpërsimin e masave, sidomos në sektorin e udhëtimeve.

Postime të ngjajshme
Lajme

A do izolohemi? Komiteti Teknik i Ekspertëve mblidhet nesër për masat e reja

Lajme

Në disa qytete nesër s’do të ketë rrymë deri në 12 orë

Lajme

Xharra: Albin, kur të thërret Izraeli, merre guximin !

Lajme

Koronavirusi qëndron në rroba deri në 3 ditë, ky material paraqet rrezikun më të madh