Sport

”Nuk jemi si Ronaldo, nuk mund të pranojmë ulje page”

Portieri i Cittadella, Alberto Paleari ka thënë se futbollistët nuk janë “të gjithë si Cristiano Ronaldo”, pasi klubet në të gjithë botën u kërkojnë lojtarëve të tyre të ulin pagat e tyre mes paqëndrueshmërisë financiare gjatë pandemisë koronavirus.

Në Evropë, Italia është goditur më rëndë nga shpërthimi i Covid-19, me mbi 57,000 raste të konfirmuara deri më sot dhe numri i vdekjeve që kaloi 7.500 në ditën e mërkurë.

Protokollet qeveritare janë vendosur në një përpjekje për të frenuar përhapjen e sëmundjes vdekjeprurëse, me të gjitha sportet në vend që janë pezulluar dhe qytetarët nën rregulla të rrepta karantine në mesin e emergjencave globale, përcjell lajmi.net.

“Nëse do të ishte një çështje e vonimit të pagave për një muaj dhe marrjes së një pagese të dyfishtë në një datë të mëvonshme, unë do të thoja po pa asnjë hezitim”, i tha Paleari programit Telechiara. “Por nëse do të ishte një çështje për të ulur pagat e mia për më gjatë, me gjithë ndershmëri do të thosha jo”.

“Ne nuk jemi si Ronaldo. Nëse heqim dy muaj nga paga e tij, ai me siguri nuk do të kalonte në vështirësi financiare. Nëse ata e marrin të njëjtën gjë nga ne, pronari ynë do të vijë dhe do të trokasë në dyert tona duke kërkuar qiranë. Janë dy situata të ndryshme”, tha portieri i klubit të Serie B.

Postime të ngjajshme
Sport

Challandes shkon edhe më larg: Zvicerani tregon se kur mund të zhvillohet ndeshja ndaj Maqedonisë Veriore

Sport

Kthim në kohë, viti 1984: Këta ishin yjet e miqësores Kosova e Vushtrrisë - Prishtina

Sport

UEFA tregon se a do të ketë ndryshim të formatit në Ligën e Kampionëve

Sport

Lorik Cana zbulon talentin më të madh shqiptar me të cilin ka luajtur