Një person ka pësuar lëndime të rënda pasi ka rënë nga teleferiku. Rasti ka ndodhur sot.
Personi që pësoi lëndime trupore është një 30 vjeçar i cili edhe është dërguar në Emergjencën e Ferizajt për tretman mjekësorë, shkruan Reporteri.net.
Rastin për Reporteri.net e ka konfirmuar zëdhënësi i policisë për rajonin e Ferizajt, Agim Gashi.
“Kemi pranuar informacionin se një person aksidentalisht është rrëzuar nga teleferiku. Policia në bashkëpunim me qytetarët e kanë sjell deri në ambulance e Shtërpcës, iu ka dhënë ndihma e parë fillestare dhe sipas mjekëve gjendja e tij është stabile, është me vetëdije, dhe i njëjti është transportuar në Ferizaj në emergjencën e Ferizajt”, ka thënë Gashi për Reporteri.net.
Ai më tej ka thënë se policia është duke hetuar rrethanat si ka ndodhur rasti. /Reporteri.net/.