Lajme

Nga nesër masa të reja në Zvicër, këto vende hyjnë në listë të shteteve të rrezikshme

Numri i infeksioneve, sikur edhe i viktimave në Zvicër si pasoje e pandemisë COVID-19 ka filluar të bjerë javët e fundit.

Në mbledhjen e mbajtur më 17 shkurt 2021, Këshilli Federal analizoi situatën, ku u propozua një relaksim i kujdesshëm dhe gradual, në mënyrë që t’i jepet më shumë hapësirë ​​jetës ekonomike dhe sociale duke shmangur sa më shumë që të jetë e mundur një vale të tretë epidemike, njofton gazeta zvicerane ne shqip “Le Canton27.ch”, duke ju referuar burimeve te Ministrisë së Shëndetësisë (OFSP/BAG) në Bernë.

Dyqanet, muzetë dhe sallat e leximit të bibliotekave duhet të jenë në gjendje të rihapen nga 1 marsi, si dhe zona të jashtme në kopshte zoologjike dhe kopshte botanike, si dhe ambiente sportive dhe ato pë të kaluar kohën e lirë.

Ngjarjet private deri në 15 persona duhet të jenë përsëri të mundshme në ambiente të jashtme. Të rinjtë deri në moshën 18 vjeç duhet përsëri të kenë akses në shumicën e aktiviteteve sportive dhe kulturore.

Këshilli Federal do të marrë një vendim përfundimtar për këto relaksime më 24 shkurt, pasi të konsultohet me kantonet.

Ne listën e re të Qeverise zvicerane e cila hynë në fuqi nga nesër (22.2.21-01.03.21) si “vende te rrezikuara” përfshihet Shqiperia, Serbia, Mali i Zi dhe vende tjera, por jo edhe Kosova.

Që nga 8 shkurti është e detyrueshme një test kur hyni në Zvicër.

Vetëm ata që tregojnë një test negativ të koronës lejohen të hyjnë.

Përveç testimit të detyrueshëm, ekziston një detyrim dhjetë-ditor i karantinës, të cilën mund ta lini me një test tjetër negativ pas shtatë ditësh.

Postime të ngjajshme
Lajme

Polici plagos dy qytetarë në Dragash

Lajme

Petkoviq i reagon Kurtit për bashkimin kombëtar

Lajme

Isa Mustafën e pyesin për Vjosa Osmanin që doli më e votuara ndonjëherë

Lajme

Grenell përsëri me një shkrim për liderin e VV’së: Pse Albin Kurti po flet për zhbërjen e shtetit të vet?!