Lajme

Në 24 komuna përfundon numërimi i votave, këta kandidatë prijnë në zgjedhje

Në 23 komuna ka përfunduar tashmë numërimi i votave, raporton Gazeta Express.

Disa prej tyre kanë nxjerrë një fitues, e disa do të shkojnë në balotazh.

Numërimi i votave ka përfunduar në Deçan, Gjakovë, Klinë, Fushë Kosovë, Kamenicë, Mitrovicë, Novëbërdë, Obiliq, Rahovec, Shtime, Shtërpc, Suharekë, Viti, Vushtrri, Zubin Potok, Zveçan, Malishevë, Junik, Mamushë, Hanin e Elezit, Graçanicë, Ranillug, Partesh dhe Mitrovicë të Veriut.

Në Deçan, Bashkim Ramosaj i AAK’së ka marrë 65,17 për qind të votave, apo 9 mijë e 468 vota.

Në Gjakovë Ardian Gjini prinë me 46 për qind apo 18 mijë e 382 vota. Pas tij, Mimoza Kusari-Lila e LVV’së me 37,08 për qind me 14 mijë e 819 vota.

Në Klinë Zenun Elezaj i AAK’së ka marrë 43,10 për qind të votave, apo 7 mijë e 291 vota. Pas tij radhitet Esat Raci i LDK’së me 27,60 për qind apo 4 mijë e 669 vota.

Në Fushë Kosovë prinë Burim Berisha i LDK’së me 49,96 për qind apo 7 mijë e 842 vota. Pas tij është Enver Bajçinca i LVV’së me 25,33 për qind apo 3 mijë e 977 vota.

Në Kamenicë prinë Qëndron Kastrati i PSD’së me 32.69 për qind apo 5 mijë e 284 vota. Pas tij është Kadri Rahimaj i LVV’së me 4 mijë e 909 vota, apo 30,37 për qind.

Në Mitrovicë Bedri Hamza ka dal fitues me 53,86 për qind të votave, apo 16 mijë e 91 vota.

Në Novëbërdë ka fituar Sasa Miloseviç me 64,09 për qind, apo 3 mijë e 511 vota.

Në Obiliq prinë Xhafer Gashi me 48,25 për qind, apo 5 mijë e 880 vota. Pas tij është Halil Thaç i LVV’së me 20 për qind, apo 2 mijë e 437 vota.

Në Rahovec prinë Smajl Latifi i AAK’së me 47,23 për qind, apo 9 mijë e 925 vota. Pas tij është Visar Korenica me 24,78 për qind apo 5 mijë e 206 vota.

Në Shtime prinë Qemajl Aliu i LVV’së me 45,10 apo 5 mijë e 840 vota. Pas tij është Naim Ismajli i PDK’së me 44,64 për qind apo 5 mijë e 781 vota.

Në Shtërpc ka fituar Dalibor Jevtiç i Listës Serbe me 59,36 për qind apo 4 mijë e 42 vota.

Në Suharekë ka fituar Bali Muharremaj i AAK’së me 52,28 për qind, apo 13 mijë e 837 vota.

Në Viti prinë Sokol Haliti me 41,78 për qind apo 8 mijë e 111 vota. Pas tij është Arsim Ademi i LVV’së me 34,85 për qind apo 6 mijë e 766 vota.

Në Vushtrri prinë Ferit Idrizi me 34,89 për qind apo 10 mijë e 57 vota. Pas tij, Xhafer Tahir ii LDK’së me 9 mijë e 735 vota.

Në Zubin Potok ka dal fitues Srdjan Vuloviç me 83,49 për qind, apo 3 mijë e 210 vota.

Në Zveçan ka dal fitues Dragisa Miloviç me 98,45 për qind, apo 5 mijë e 384 vota.

Në Malishevë prinë Ekrem Kastrati i Nisma’s me 34,30 për qind apo 7 mijë e 316 vota. Pas tij është Isni Kilaj i PDK’së me 29,7 për qind apo 6 mijë e 200 vota.

Në Junik prinë Agron Kuçi i AAK’së me 47,26 për qind të votave. Pas tij Ruzhdi Shehu i LDK’së me 851 vota, apo 37,87 për qind.

Në Mamushë prinë Abdulhadi Krasniç i KDTP’së me 48,72 për qind, apo 1 mijë e 346 vota. Pas tij është Arif Butuç i KATP’së me 37,64 për qind të votave.

Në Hanin e Elezit, Mehmet Ballazhi ka marrë 50,98 për qind, apo 2 mijë e 485 vota.

Në Graçanicë ka fituar Liljana Subariç e Listës Serbe me 77,71 për qind, apo 6 mijë e 341 vota.

Në Ranillug ka fituar Katarina Ristiç-Iliç me 100 për qind të votave.

Në Partesh ka fituar Dragan Petkoviç i LS’së me 75.20 për qind të votave.

Në Mitrovicën e Veriut ka fituar Milan Radojeviç i Listës Serbe me 91,33 për qind, apo 10 mijë e 769 vota.

Postime të ngjajshme
Lajme

Reshje bore, ky është parashikimi i motit për pesë ditët e ardhshme

Lajme

Krejt çka ndodhi në tragjedinë e sotme në Gllogjan ku u vranë tre persona

Lajme

E afërmja e 17-vjeçares së vrarë në Gllogjan: Ëndrra e saj ishte të bëhej doktoreshë

Lajme

Krimi makabër në Gllogjan, flet dëshmitari që ishte në autobus