Lajme

Ndahet nga jeta veprimtari i çështjes kombëtare Nezir Gashi

Ka vdekur veprimtari dhe ish i burgosuri politik, Nezir Gashi nga Graboci i Pejës.

Lajmin e ka bërë të ditur edhe kryetari i LDK-së, Isa Mustafa i cili e ka vlerësuar si një njeri të urtë e punëtor që tërë jetën ia kushtoi kauzës tonë për liri dhe pavarësi.

Nezir Ibish Gashi i lindur më 21 prill 1934 në Mamurras të Shqipërisë, është veprimtar i kauzës së shenjtë kombëtare.

Nezir Gashi ka qenë i burgosur politik në vitet: 1964, 1981, 1984 dhe 1997. Deputet i Parlamentit të Republikës së Kosovës gjatë viteve 1998-2001.

Ky është statusi i Mustafës:

Sot, në 31 vjetorin e themelimit të LDK-së, me pikëllim mora lajmin e hidhur për ndarjen nga jeta bashkëpunëtorit tonë dhe veprimtarit të palodhshëm të LDK-së, Nezir Gashi.

Veprimtarin Nezir Gashi do ta kujtojmë çdo herë si atdhetar, intelektual, njeri të urtë e punëtor që tërë jetën ia kushtoi kauzës tonë për liri dhe pavarësi.

Vdekja e tij nuk është humbje vetëm për familjen por edhe për të gjithë miqtë, Komunën e Pejës dhe LDK-në.

Në emrin tim personal dhe të LDK-së i shpreh ngushëllime familjes Gashi, miqve, bashkëpunëtorëve dhe gjithë qytetarëve të Komunës së Pejës.IM

Postime të ngjajshme
Lajme

Këto janë simptomat e llojit të ri të koronavirusit

Lajme

Geci poston një artikull gazete nga viti 1998: Albin Kurti thoshte se kush e mbështetë Amerikën dhe Rugovën është kundër Kosovës

Lajme

Behgjet Pacolli tregon sa para ka ndarë për të ndihmuar Thaçin, dhe të tjerët në Hagë

Lajme

Duda i përgjigjet Gecajt të LDK-së