Sport

Muriqi kërkon klub të ri, gjiganti turk shpreh interesim

Sulmuesi i Përfaqësueses së Kosovës, Vedat Muriqi thuhet se nuk është i kënaqur te Lazio dhe i ka kërkuar menaxherit të tij t’ia gjej një klub të ri, teksa në sfond menjëherë është shfaqur ish-skuadra e tij, Fenerbahce.

Muriqi u transferua verën e kaluar nga Fenerbahce te Lazio për një shifër të raportuar rreth 18 milionë euro.

Megjithatë, sulmuesi prizrenas ka dështuar t’i tregojë vlerat dhe shumicën e kohës ka qenë zgjedhje e dytë pas italianit Ciro Immobile.

Sipas mediumit turk Fotomac, Muriqi është i pakënaqur me këtë situatë dhe i ka kërkuar menaxherit të tij t’ia gjej një klub të ri.

Menaxheri i tij thuhet se ka kontaktuar menjëherë drejtuesit e Fenerbahces, duke ia ofruar shërbimet e sulmuesit prizrenas.

Klubi turk është i hapur për ta rikthyer Muriqin në Stamboll, pasi tentoi disa herë transferimin e tij në verë, por Lazio nuk ishte e hapur për të lejuar largimin e tij.

Edhe qëndrimi i trajnerit Vitor Pereira për Muriqin thuhet se është pozitiv dhe gjatë afatit të janarit mund të ketë të reja në aksion Romë-Stamboll. Muriqi duke festuar një gol me Fenerbahcen në të kaluarën.

Vlera e tregut 9 milionë euro

Fenerbahce thuhet se do t’i bëjë ofertë Lazios që të lejoj huazimin e Muriqit me opsion blerje nëse gjithçka shkon mirë.

Vlera aktuale e tregut e Muriqit, i cili ka një kontratë me Lazion deri në vitin 2025, ka rënë në rreth 9 milionë euro.

Postime të ngjajshme
Sport

Kthesë e papritur, Mourinho ndryshon mendje për Marash Kumbullën

Sport

Reagon Drenica: Çmimin "Ylli i Javës" e meritoi Denisson

Sport

Arrestohet Afrim Tovërlani, raportohet se i dehur kanosi me thikë Shpend Ahmetin

Sport

Mehmet Bogujevci flet në T7, pasi refuzoi ftesën e Serbisë si mysafir nderi në Botërorin e boksit