Lajme

Mjeku kosovar bën apel që IKSHP të largoj këtë fjali nga raporti ditor i rasteve

Kardiologu dhe mjeku internist në Berlin, Fahri Beqa, ka bërë apel që Instituti Kombëtar i Shëndetit Publik (IKSHP), që të largoj nga raportimi i përditshëm fjalinë “të vdekurit kanë pasur edhe sëmundje të tjera shoqëruese”, shkruan Gazeta Metro.

Mjeku kosovar përmes Faceook’ut ka thënë se IKSHP duhet t’a largojë nga lajmërimi i përditshëm i rasteve të reja pozitive me Sars-Cov2 dhe të vdekurve nga COVID-19 pjesën e fjalisë ku thuhet “të vdekurit kanë pasur edhe sëmundje të tjera shoqëruese”.

Ai ka thënë s njeh të paktën 3 persona që kanë vdekur nga koronavirusi pa pasur asnjë sëmundje shoqëruese.

“IKSHP definitivisht duhet t’a largojë nga lajmërimi i përditshëm i rasteve të reja pozitive me Sars-Cov2 dhe të vdekurve nga COVID-19 pjesën e fjalisë ku thuhet “të vdekurit kanë pasur edhe sëmundje të tjera shoqëruese”.
Të paktën personalisht i kam njohur 3 persona që kanë vdekur nga COVID-19 dhe nuk e kanë pasur asnjë sëmundje shoqëruese”, ka shkruar mjeku kosovar.

Postimi i plotë:

IKSHP definitivisht duhet t’a largojë nga lajmërimi i përditshëm i rasteve të reja pozitive me Sars-Cov2 dhe të vdekurve nga COVID-19 pjesën e fjalisë ku thuhet “të vdekurit kanë pasur edhe sëmundje të tjera shoqëruese”.
Të paktën personalisht i kam njohur 3 persona që kanë vdekur nga COVID-19 dhe nuk e kanë pasur asnjë sëmundje shoqëruese.
Përveç tjerash kjo tingëllon edhe si relativizim apo arsyetim i vdekjeve. Nga COVID-19 mund të preken dhe mund të vdesin të gjitha moshat dhe të gjithë pacientët me apo sëmundje shoqëruese. Poashtu edhe mund të shërohen të gjitha moshat dhe pacientët, me apo pa sëmundje shoqëruese. Prandaj nuk është etike e as humane që pacientët me sëmundje shoqëruese të futen automatikisht në kategorinë që ata janë të vetmit që po vdesin nga COVID-19. Sipas statistikave dhe analizave që databazës së të vdekurve në Itali, 28,2% e të vdekurve nuk kanë pasur asnjë sëmundje shoqëruese para pandemisë, dmth kanë qenë plotësisht të shëndoshë.
Prandaj kjo pjesë e fjalisë duhet të hiqet, përndryshe shpërndarja e pasaktë e informacioneve për të vdekurit nga një institucion shëndetësor është ofendim i rëndë dhe mund të ketë edhe konsekuenca juridike që mund të inicohen nga familjarët e të vdekurve./

IKSHP definitivisht duhet t'a largojë nga lajmërimi i përditshëm i rasteve të reja pozitive me Sars-Cov2 dhe të vdekurve…

Posted by Fahri Beqa on Saturday, 1 August 2020

 

Postime të ngjajshme
Lajme

Imazhi për të cilin po ‘zien’ e gjithë Amerika, teksa Biden po betohej si President një burrë shkon dhe ulet ….

LajmeSport

Babai i Rashicës del hapur në përkrahje të PDK-së

Lajme

“E prishi aksionin në Karaçevë” – Qalaj me akuza të rënda ndaj Agim Veliut

Lajme

Kryeministri Hoti tregon se çfarë ka ndodhur me 2.1 milionëshin e Thesarit