Vashat e Mitrovicës i kanë thënë lamtumirë aventurës në Ligën e Kampionëve qysh në rundin e parë eleminator, teksa janë mposhtur thellë edhe në sfidën e dytë ndaj ekipit gjerman Wolfsburg, raporton Gazetasheshi.com.
Rezultati qysh pas pjesë lojës së parë ishte i thellë 3:0. Claudia Neto në minutën e 24-të të ndeshjes, Harder në 29-ten dhe Jakabfi në të 38-ten kanë qëlluar në portën e Kolgecit. Ndërkohë në pjesën e dytë të lojës realizuan nganjëherë Wolter në minutën e 55-të dhe Gunnarsdottir në minutën e 86-të ng apenaltia.
Kryetrajneri i vashave nga Mitrovica, Seid Onbashi kishte vendosur ti besojë sistemit 4-4-2, teksa ka startuar me këtë përbërje:
Kolgeci, Elezaj, Osmanaj, Syla, Haziri, Gjergji, Biqkaj, Shala, Tahiri, Halili dhe Zeka.
Është e çuditshme sërish mungesa e futbollistes së Kosovës në radhët e Wolfsburg, Erëleta Memetit.
Gjyqtarë në këtë përballje do jetë Meliz Özçiğdem nga Turqia, i shoqëruar nga asistentët Betül Nur Yilmaz dhe Deybet Gök. Ndërkohë, Cansu Tryak do jetë gjyqtarë i katërt.