Një djalosh i vogël ka bërë bujë të madhe sot, pasi kishte dalë të pres ekipin kombëtar të Kosovës duke u rikthyer pas humbjes nga Çekia me rezultatin 2:1 në Plzen.
Ai djalosh kishte zgjedhur një mesazh special për ekipin kombëtar, e në veçanti për mbrojtësin Mërgim Vojvoda.
“Kokën lart. Kemi për çka të mburremi, krenar me ty Mërgim. Ëndrra vazhdon”, kishte shkruar djaloshi në pankartën e tij.
Me të parë fotot e këtij djaloshi, mbrojtësi Vojdova ka reaguar në rrjetet sociale.
“Këta njerëz që na besojnë neve, më bëjnë të lumtur dhe na lejojnë neve që të ëndërrojmë”, ka shkruar Vojvoda në profilin e tij në Instagram.