Lajme

Memli Krasniqi viziton familjet e Hashim Thaçit e Kadri Veselit

Kryetari i ri i Partisë Demokratike të Kosovës, Memli Krasniqi ka qëndruar sot për vizitë tek familja e ish-Presidentit Hashim Thaçi në Burojë dhe tek familja e ish-kryeparlamentarit Kadri Veseli në Mitrovicë.

Pas takimeve në dy familjet atdhetare të themeluesve të UÇK-së dhe PDK-së, Krasniqi ka shkruar në faqen e tij në Facebook se Kosova mburret me ta dhe e pret kthimin e tyre triumfues, sepse siç ka thënë ai, e tillë ishte lufta për çlirim – e drejtë, e pastër dhe fitimtare.

“Në Burojë dhe në Mitrovicë, në dy shtëpitë atdhetare që ishin frymëzim për çdo mendje e zemër patriotike, për t’i takuar prindërit dhe familjarët e dy liderëve tanë që shënuan historinë e përpjekjeve të shqiptarëve të Kosovës për liri, pavarësi dhe shtet-ndërtim, Hashim Thaçi dhe Kadri Veseli. Malli për djemtë e tyre, që padrejtësisht po mbahen në Hagë, është i madh. Sytë e tyre e flasin këtë, ashtu siç balli i tyre e rrëfen një jetë të tërë me sakrifica. Por, krenaria për bijtë e tyre dhe për vlerat e tyre kombëtare – i mund të gjitha. Kosova mburret me ta dhe e pret kthimin e tyre triumfues, sepse e tillë ishte lufta për çlirim – e drejtë, e pastër dhe fitimtare”, ka thënë kreu i PDK-së Memli Krasniqi.

Postime të ngjajshme
Lajme

Mërgimtari në kërkim, dyshohet se mashtroi për një rast të shërimit jashtë vendit, flasin Prokuroria dhe vetë ai

Lajme

Arrijnë në Kosovë 38 mijë e 400 doza tjera të vaksinës AstraZeneca

Lajme

Me kaq vite burgim mund të dënoheni për zjarrvënie të qëllimshme

Lajme

KEDS njofton për zonat që do të kenë mungesë të energjisë elektrike