Lajme

Mediet serbe reagojnë pasi Kosova formon zyrën për Luginën e Preshevës

Qeveria e Kosovës ka formuar zyrën për Luginën e Preshevës me çka shqiptarët po synojnë që të marrin pjesën qendrore të Serbisë dhe këtë presin ta bëjnë me mbështetjen e bashkësisë ndërkombëtare, duke krijuar paralele mes zyrës së qeverisë së Serbisë për Kosovë, shkruan “Alo”

Përmes këtij trupi, Prishtina dëshiron që të komplikoj më tutje raportet me Beogradin, por edhe të nxis trazira në jug të Serbisë, para së gjithave në Bujanovc dhe Preshevë. Krahas kësaj parti të ndryshme shqiptare që marrin pjesë në zgjedhjet e ardhshme planifikojnë që në lista të kenë kandidat për deputet që jetojnë në këto dy komuna të Serbisë.

Qëllimi kryesor i Prishtinës është shkëputja e të ashtuquajturës Luginës së Preshevës dhe bashkimin e saj me Kosovën, shkruan “Alo”.

Për të arritur këtë shqiptarët llogarisin në mbështetjen e një pjese të bashkësisë ndërkombëtare ku tashmë kanë nisur edhe lobimin.

Këto synime nuk fshihen nga përfaqësuesit politik shqiptar nga Serbia që veprojnë në Prishtinë.

“Janë të mirëseardhura përkushtimi dhe angazhimi i subjekteve politike të Kosovës në Luginë. Besoj se pas zgjedhjeve së bashku me qeverinë dhe parlamentin e Kosovës ne nga Lugina fo kemi mundësi të krijojmë dhe realizojmë planin e përbashkët në harmoni me kërkesat dhe nevojat e qytetarëve të Preshevës, Bujanovcit dhe Medvegjës” ka thënë deputeti Shaip Kamberi.

Sipas analistit Dragomir Angjelkoviç qëllimi i formimit të “Zyrës për Luginën e Preshevës” është të “mjegullohet e vërteta”. “Bëhet fjalë për paralele dhe trik të lirë të shqiptarëve separatist të Kosovës, që në procesin e mejmë të bisedimeve me Beogradin të futen edhe shqiptarët e jugut të Serbisë. Këtë kanë tentuar ta bëjnë dhe nuk ju ka shkuar për dore. Ata përpiqen që me insistimin në reciprocitet të ikin formimit të Asociacionit që e kanë pranuar më herët”tha ai.

Përmes të ashtuquajturës zyrës për Luginën e Preshevës synohet që fëmijëve shqiptar të ju distribuohen tekstet shkollore për kualitetin e të cilave nuk ka vërtetim nga trupat përgjegjëse serbe. Kryeministri i Kosovës Hoti ka konfirmuar këtë informatë duke theksuar se nxënësit shqiptar do të marrin librat gjatë shkurtit duke kërcënuar se “nëse Serbia ndalon distribuimin” do vendoset reciprociteti.

“Nëse ndodh ndalesa, do vendosen masat e reciprocitetit dhe do ndalojmë librat serbe. Secilën masë që ndërmerr Serbia drejt neve, ne kemi drejt ta marri ndaj Serbisë” tha Hoti.

Prishtina synon të formojë edhe një fond të veçantë prej nga do financohen aktivitetet e përfaqësuesve politik në komunat e Luginës, një pjesë e këtyre mjeteve do jepet nga shteti e tjetra nga diaspora.

Postime të ngjajshme
Lajme

Zgjohen nga koma Fidan Gashi dhe Enver Xhikoli, të cilët gjenden në Austri

Lajme

Lista e plotë e 440 kandidatëve për deputetë nga katër partitë e mëdha

Lajme

“Përçarje”: AKR kërcënon se do të largohet nga lista e LDK’së

Lajme

Ky është parashikimi i motit për ditën e diel