David de Gea dhe Paul Pogba kanë mbetur jashtë listës së lojtarëve të Manchester United për derbin e së dielës kundër Liverpoolit në Premierligë.
De Gea të martën iu është nënshtruar skanimeve pasi vuan nga një lëndim i pësuar në kualifikuesen për Euro 2020 mes Spanjës dhe Suedisë, dhe do të mbetet jashtë për fundjavë.
Pogba, i cili ka munguar në katër nga shtatë ndeshjet e fundit pas një lëndimi në kyçin e këmbës, ishte pritur të jetë gati për të dielën, por edhe ai do të mungojë në derbi.
Mungesat e këtyre dy lojtarëve do të jenë të theksuara për Manchester United, përballë liderëve të Premierligës të dielën.
Liverpool pas tetë javësh në Premierligë numëron tetë fitore, dhe këtë seri fantastike do të kërkojë ta ruajë edhe kundër Manchester United në ‘Old Trafford’.