Sport

Llapi nuk po mund të bëhet “rehat”, përsëri e ndërron stadiumin!

Llapi ka ndërruar përsëri ambient para ndeshjes me Malishevën, shkruan Sheshi.info

Ekipi llapjan pasi është duke shndrruar stadiumin “Zahir Pajaziti” nga bari artificial në atë natyral, ndeshjet si vendas i zhvillonte në Merdare.

Mirëpo me gjithë punën e palodhshme të tyre stadium në Merdare, vështirë që të kthehet në një gjendje të mire dhe të besuarit e Tahir Batatinës tani do të luajnë takimet si vendas në stadiumin “Fadil Vokrri”.

Stadiumi që mban emrin e legjendës së futbollit shqiptar ka hapur dyert për ekipin nga Podujeva dhe ndeshjen e parë si vendas do të luajnë ndaj Malishevës të mërkuren nga ora 16:00, ndeshje kjo që i takon xhiros së katërt.

Pas masave të marrë nga Qeveria e Kosovës tani kapaciteti i tifozëve nga 10% do të jetë 5% e ku në stadium mund të jenë deri në 600 shikues.

Kurse, Llapi gjithashtu i ka bërë thirrje tifozëve që t’i respektojnë masat anti Covid-19 dhe për të hyrë në stadium duhet ta kenë testin PCR negative ku duhet të jetë mbrenda 24 orësh që është bërë mbajtja e distancës 1.5m.

Postimi i plotë:

Stadiumi ‘Fadil Vokrri’ hap dyert dhe mirëpret skuadrën e Llapit dhe të Malishevës për ndeshjen e vlefshme për javën 4 të Superligës. Ndeshja nis në ora 16:00 dhe do të zhvillohet me 5% të kapacitetit të stadiumit apo 600 shikues.

Shikuesit të cilët do ndjekin ndeshjen obligohen të zbatojnë në përpikëri masat anti-covid. Asnjë tifoz nuk do lejohet të hyj në stadium pa biletë dhe pa maskë.

Për hyrje në stadium obligative do të jetë edhe:

– Kartela e vaksinimit ose testi PCR negativ jo më i vjetër se 24 orë nga koha e zhvillimit të ndeshjes

– Mbajtja e distancës 1.5 m

– Të hapura do jenë tribuna e perëndimit dhe lindjes

– Bileta hyrëse në sektorin e perëndimit do të kushtoj 3 Euro, kurse në sektorin e lindjes do të kushtoj 2 Euro.

Postime të ngjajshme
Sport

Batatina i kundërpërgjigjet “Xhebrailave”

Sport

Ronaldo biznesmen i suksesshëm, i ndryshoi jetën 40 mijë njerëzve

Sport

Ish futbollisti i Prishtinës nënshkruan për skuadrën e njohur evropiane

Sport

Start i dobët në Superligë, por Ulpiana tani ka një mesazh