Sport

Llapi – Ballkani, derbi i mesjavës në Superligë

Llapjanët janë në kërkim të fitores së parë sezonale, kurse therandasit duan ta ruajnë kreun e tabelës.

Superliga e futbollit vazhdon me orar të stërngjeshur, shkruan Gazeta Express.

Kampionati kosovar i futbollit vazhdon me ndeshjet e xhiros së katërt këtë mesjavë, e cila u hap me ndeshjen Arbëria – Feronikeli.

Pa dyshim, përballja kryesore do të jetë ajo në mes të Llapit dhe Ballkanit, që do të luhet të mërkurën.

Llapjanët janë në kërkim të fitores së parë, pas dy humbjeve të pësuara.

Kurse, therandasit do të tentojnë të mbesin në krye të tabelës.

Ndërkohë, tri pikë këtë xhiro i kërkon edhe Prishtina, e cila do ta vizitojë Trepçën ’89.

Mirëpo, mitrovicasit do t’i hyjnë kësaj loje të motivuar pas fitores kundër Llapit.

Kurse, të enjten, Drenica e motivuar pas barazimit me Feronikelin, do ta presë Gjilanin.

Të dyja ekipet janë në kërkim të fitores së dytë sezonale. Edhe Drita synon ta nisë me këmbë të mbarë edicionin e ri me ndeshjen që do të luajë me Besën në shtëpi.

Postime të ngjajshme
Sport

Ballkani po feston fitoren në një kafene, Ismet Munishi pritet si një hero

Sport

Hyseni: Nuk bëmë paraqitje të mirë, ja se çfarë do ndodhë me Mezanin

Sport

Rezultatet e plota të xhiros së gjashtë në Ligën e Parë

Sport

Idrizi: Ishim më të mirë se Gjilani, ky talent i yni do jetë nga më të mirët në Kosovë