Lajme

Lladrovci: Pa panik, ende nuk kemi informacion zyrtar se i infektuari është banor i Drenasit

Kryetari i Drenasit Ramiz Lladrovci ka thënë se ende nuk kanë pranuar asnjë informacion zyrtar se në këtë komunë është shënuar rasti i parë me koronavirus.

Ai deklaroi se i ka bërë thirrje Drejtorit të IKSHPK’së për të dhënë më tepër detaje rreth rastit të kësaj komune për të cilin u raportua se ka rezultuar pozitiv me Covid-19.

Kjo sipas tij në mënyrë që të merren masa në mbrojtje të qytetarëve ndaj kësaj pandemie.

Megjithatë raportimin e IKSHPK’së, se ka një person me koronavirus me vendbanim në Drenas, Lladrovci e arsyetoi me procedurën e dokumenteve të vendbanimit.

”Si komunë asnjë rast nuk e kemi pasur në Qendrën Klinike Infektive për analizë po besojmë që personi që është identifikuar me letërnjoftim si qytetar i Drenasit, mund të jetë banor i një qyteti tjetër”, tha ai për Klan Kosovën.

Kryetari Ramiz Lladrovci ka apeluar tek banorët e komunës që ai drejton që të mos ketë panik pasi të gjitha masat preventive do të merren sipas situatës së krijuar.

Ai ka ftuar për kujdes të shtuar në mënyrë që të ketë sa më pak raste ndaj koronavirusit.Gazeta Express

Postime të ngjajshme
Lajme

Ahmeti merr përgjigje nga Kurti rreth çerdheve

Lajme

13 raste me COVID-19 në Kosovë, dy të shëruar

Lajme

Raportohet se te martën mund të thirret seanca për të votuar ‘Qeverinë Hoti’

Lajme

Hapet peticioni i Vetëvendosjes, me kërkesën për zgjedhje