Liverpool ka marrë një goditje të madhe para ndeshjes së fundjavës, duke u përballur me dy lëndime para sfidës me Crystal Palace.
Mohamed Salah dhe Andy Robertson, nuk do të paraqiten kundër Crystal Palace në fundjavë, shkaku i lëndimit.
Sipas ‘Sky Sport News’, si sulmuesi egjiptian, ashtu edhe e majta skoceze, do të humbasin ndeshjen në ‘Selhurst Park’.
Salah po vuan nga një lëndim në kyçin e këmbës, të pësuar më 5 tetor në sfidën kundër Leicester City.
Ky lëndim kishte bërë që ai të humbiste ndeshjen kundër Manchester United në ‘Old Trafford’, ku është edhe ndeshja e vetme ku Liverpool ka lëshuar pikë.
Ndeshja mes Crystal Palace dhe Liverpool luhet ditën e shtune.