Java e 11-të në Ligën e Parë të Kosovës do të startoj ditën e sotme (e diel).
Orari ka caktuar gjashtë sfida që do të zhvillohen ditën e sotme me fillim nga ora 14:00.
Lideri aktual i Ligës së Parë, Liria e Prizrenit do të luaj në kryeqytet përballë 2 Korrikut.
Besa e Pejës në anën tjetër do të jetë nikoqire e Ramiz Sadikut, derisa sfidë interesante është edhe ajo mes Vllaznisë së Pozhoranit dhe Ulpianës.
Vëllaznimi synon të rikthehet te fitoret, por do ta ketë vështirë në udhëtim te Arbëria.
Interesant pritet të jetë edhe në ndeshjen mes Malishevës dhe Drenasit.
Ndeshje e zjarrtë pritet të zhvillohet edhe në Kamenicë, ku Dardana e Erdin Hashanit pret Istogun.