Sport

Ky pritet të jetë formacioni i Kosovës kundër Suedisë

Kosova do të përballet me Suedinë në ndeshjen e gjashtë kualifikuese për Kampionatin Botëror ‘Katari 2022’.

Dardanët kanë udhëtuar drejt qytetit Solna në afërsi të Stokholmit me të vetmin qëllim, që të shkaktojnë befasi.

Muaji shtator ishte muaj i mbarë për Përfaqësuesen e Kosovës, ku morën një fitore ndaj Gjeorgjisë 0-1, një barazim me Greqinë 1-1 dhe humbën 0-2 nga Spanja edhe pse zhvilluar super ndeshje.

Të besuarit e trajnerit Bernard Challandes kanë udhëtuar drejt Suedisë me të vetmin qëllim që mos të mposhtën.

E tekniku zviceran i Kosovës nuk pritet të bëj ndryshime në formacion, pasi do t’i besojë futbollistëve që luajtën ndaj Spanjës edhe në përballjen e sotme ndaj Suedisë.

Në portë pritet të jetë Arijanet Muric, derisa katërshja e mbrojtjes do të përbëhet nga Mërgim Vojvoda, Amir Rrahmani, Betim Fazliji i cili është ende në balotazh me Fidan Alitin dhe Florent Hadergjonaj.

Dy mesfushorët qendrorë do të jenë Florian Loshaj dhe Ibrahim Dresevic.

Në krahun e djathtë të mesfushës do të jetë Elbasan Rashani, derisa në të majtin Zymer Bytyqi duket se ka fituar garën me Lirim Kastratin i cili nuk ka stërvitur shumë për shkak të një lëndimi.

Milot Rashica do të luaj mbrapa sulmuesit Vedat Muriqi.

Kosova: Muric, Hadërgjonaj, Fazliu, Rrahmani, Vojvoda, Loshaj, Dreshevic, Rashani, Bytyqi, Rashica, Muriqi.

Postime të ngjajshme
Sport

Prishtina 1-2 Llapi, golat dhe rastet nga ndeshja e zhvilluar sot në ''Fadil Vokrri''

Sport

Golashënuesit më të mirë pas fazës së parë në Superligë

Sport

Broja bën heroin, sulmuesi shqiptar ia siguron fitoren e parë Southamptonit

Sport

Faza e dytë starton në mesjavë, vëmendja në Gjilan!