Xhengis Rexhepi ka ofruar dorëheqje pas humbjes që skuadra e tij Dukagjini e regjistroi në shtëpi përbëll FC Ferizajt (0-1).
Me të përfunduar ndeshja Rexhepi ka ofruar dorëheqje nga shefi i shtabit teknik megjithatë drejtori i klubit Fabian Veseli nuk e ka pranuar.
“Ai e ka mbështetjen time të plot. Diskutuam me Djengisin ai ishte i gatshëm të japë dorëheqje por unë nuk pranova. E patë edhe vetë ndeshjen që sot luajtëm mirë por vetëm goli na mungoi. Këto gjëra ndodhin në futboll” , deklaroi Veseli.
Dukagjini në dy ndeshjet e ardhshme luan me Feronikelin në Klinë, më pas me Prishtinën në kryeqytet.