Lajme

Kur do të hapen çerdhet në Prishtinë? Tregon Shpend Ahmeti

Kreu i Prishtinës, Shpend Ahmeti, thotë se Qeveria e Kosovës, ka zhvendosur në kompetencë të komunave të Republikës vlerësimin e situatës në nivel komune, për rihapjen e kopshteve.

Ai përmes një postimi në Facebook ka shkruar se Komuna e Prishtinës është duke e hartuar një protokol i cili do të konkretizojë deri në detaje menaxhimin e situatës me kopshte.

Ahmeti thotë se pasi që të finalizohet protokoli dhe pasi që të bëhet vlerësimi i situatës, nga personeli profesional, do të caktohet data e hapjes së kopshteve në Komunën e Prishtinës pasi që prioritet për ne është shëndeti i fëmijëve dhe personelit të kopshteve.

Postimi i tij:

Prindër të dashur,

Pas masave të fundit të ndërmarra nga Qeveria e Kosovës, të cilat kanë për qëllim luftimin e pandemisë #covid19, Komuna e Prishtinës ka ndërmarrë të gjitha hapat sipas përgjegjësisë dhe kompetencave të cilat i takojnë.

Sipas këtyre masave, Qeveria e Kosovës, ka zhvendosur në kompetencë të komunave të Republikës vlerësimin e situatës në nivel komune, për rihapjen e kopshteve.

Numri i të infekuarve me #covid19 në Kosovë, është duke u rritur jashtëzakonisht shumë ditëve të fundit, e sipas studimeve dhe situatave të krijuara në disa shtete në botë, shpërndarja e virusit po infekton edhe grupmoshat e reja, përkatësisht fëmijët. Kjo ka bërë që Komuna të analizojë me kujdes të shtuar situatën e krijuar.

Komuna e Prishtinës është duke e hartuar një protokol i cili do të konkretizojë deri në detaje menaxhimin e situatës me kopshte, pas rihapjes. Ky protokol do të udhëzojë në veçanti kopshtet, për menaxhimin e kopshteve dhe masat që do të ndërmerren në rast të infeksioneve eventuale.

Pasi që të finalizohet protokoli dhe pasi që të bëhet vlerësimi i situatës, nga personeli profesional, do të caktohet data e hapjes së kopshteve në Komunën e Prishtinës pasi që prioritet për ne është shëndeti i fëmijëve dhe personelit të kopshteve.

Ju falemnderit për mirëkuptimin dhe shëndet për të gjithë!

Postime të ngjajshme
Lajme

Në Spitalin e Pejës, 59 pacientë me Covid-19, 35 pacientë në Oksigjeno terapi

Lajme

Kosovë, numri i rasteve aktive është 3.815

Lajme

Ministri Abrashi inspekton punimet në hekurudhën e Kosovës linja 10

Lajme

Ja sa tonelata kimikale kanë shpërthyer në Beirut, që shkaktuan katastrofë