Kufijtë mes shteteve anëtare të Bashkimit Evropian nuk duhet të ekzistojnë fare. E njëjta gjë nuk mund të thuhet edhe për kufirin mes Kroacisë dhe Sllovenisë.
Në këtë kufi legjitimohen të gjithë ata që kalojnë nga Kroacia për në Slloveni edhe pse ky është kufi mes dy shteteve anëtare të BE-së, raporton BlicMmedia.
Kufiri Kroaci – Slloveni ka qenë e paraparë të hiqet pas anëtarësimit të Kroacisë në BE. Ky kufi përveç që nuk është hequr asnjëherë, shkakton edhe kolona të shumta dhe pengesa në lëvizjen e lirë të qytetarëve dhe mallrave.
Bashkatdhetarët tanë që tashmë kanë filluar të kthehen në vendet ku jetojnë, kanë treguar për Blic media se në këtë kufi presin deri në dy tre orë për të kaluar, gjë që nuk do të duhej, sepse kufiri i parë hyrës në BE, për ta është Kroacia./Blicmedia.net/