Lajme

Kryetari i Klinës, Zenun Elezaj dënohet për punësimin e vajzës së tij

Gjykata e Pejës e ka shpallur fajtor për konflikt interesi kryetarin e Klinës, Zenun Elezaj dhe e ka dënuar me 4 mijë euro gjobë.

Gjykata po ashtu ia ka ndaluar ushtrimin e profesionit në administratën publike për dy vite.

Elezaj akuzohet nga Prokuroria për rastin e punësimit të vajzës së tij në Qendrën e Mjekësisë Familjare “Nënë Tereza” në Klinë. Trupi gjykues në këtë rast është udhëhequr nga gjyqtarja Violeta Husaj- Rugova.

Sipas këtij vendimi, Elezaj duhet të paguajë gjobën brenda 6 muajve. Lidhur me këtë vendim të gjitha palët kanë të drejtë ankese në Gjykatën e Apelit.

Prokuroria e Pejës pretendon se kryetari Zenun Elezaj edhe pse e kishte ditur se vajza e tij ka për të aplikuar në konkursin e datës 2 shkurt 2018, ka formuar komisionin për zhvillimin e procedurave për krijimin e marrëdhënies se punës lidhur me po të njëjtin konkurs.

Sipas aktakuzës, komisioni të cilin Elezaj e kishte formuar, kishte përzgjedhur vajzën e kryetarit si më të suksesshmen, duke e punësuar atë në Qendrën e Mjekësisë Familjare “Nënë Tereza” në Klinë.

Në dosjen e Prokurorisë thuhet se kallëzimi penal kundër kryetarit Elezaj është ushtruar nga Agjencia Kundër Korrupsion në Kosovë.

Në një opinion ligjor të AKK-së dhënë për Prokurorinë e Pejës thuhet se Kryetari i Komunës përjashtohet nga procedurat vendimmarrëse dhe administrative që kanë të bëjnë me ndonjë çështje në të cilën ai apo ndonjë anëtar i familjes se tij ka interes personal apo financiar./ KALLXO

Postime të ngjajshme
Lajme

OBSh-ja: Do të triumfojmë në luftën kundër Covid-it

Lajme

Shqipëri, pandemia nxit investimet në klinika private

Lajme

Abrashi, LDK do t’i ruaj votat që i ka pasur: Largimi i Vjosa Osmanit s’ka ndikuar

Lajme

Pejë, në spital janë duke u trajtuar 72 pacientë të prekur me Covid-19