Me 17 nëntor në stadiumin “Fadil Vokrri” në Prishtinë, kombëtarja e Kosovës në futboll do ta pres kombëtaren e Anglisë në një ndeshje të rëndësishme për kualifikimet e kampionatit europian të vitit 2020.
Gazeta Lajm nga Maqedonia e Veriut nga burime të ndryshme mëson se këtë ndeshje nga tribuna do ta ndjekë edhe ylli i Kosovës dhe skuadrës franceze Reims, sulmuesi Arbër Zeneli.
Ai një ditë para lojës do t’i vizitojë futbollistët në hotel Emerald për ti motivuar për të arritur një fitore historike.
Kujtojmë se, ylli i Kosovës pësoi lëndim të rëndë në ndeshjen kualifikuese Kosova-Mali i Zi që u zhvillua në muajin qershor. Pas operimit të gjurit të këmbës në Paris, klubi i tij njoftoi se Zeneli do të mungoj nga 7-9 muaj.
Në renditjen e grupit A, Kosova renditet e treta me një pikë më pak se Çekia, e cila është e dyta, ndërsa 4 më pak se Anglia, që është lidere e grupit.