Sport

Kosova zhvillon dy ndeshje miqësore me Shqipërinë në stadiumin “Fadil Vokrri”

Kombëtarja e Kosovës U17, gjatë muajit shtator do t’i zhvillojë dy ndeshje miqësore me Kombëtaren e Shqipërisë U17.

Këto dy miqësore zhvillohen në kuadër të përgatitjeve të të dyja ekipeve për ciklin kualifikues të Kampionatit Evropian, që do të zhvillohet në muajin tetor. Të dy federatat tashmë janë dakorduar që këto ndeshje të luhen në Prishtinë, më 22 dhe 24 shtator.

Këto miqësore do t’i shërbejnë përzgjedhësit Arsim Abazi dhe stafit të tij që t’i kenë sa më të qarta idetë rreth grupit të lojtarëve që do t’i kenë në shërbim në ndeshjet kualifikuese. Dardanët U17 në kualifikime bëjnë pjesë në Grupin 9, ku janë të përfshira edhe Austria, që është nikoqire e ndeshjeve të këtij grupi, Sllovenia dhe Ishujt Faroe.

Kombëtarja U17 në prill të këtij viti ka zhvilluar dy miqësore me Bullgarinë, të cilat janë mbyllur baras, derisa në qershor është mbajtur edhe një kamp përgatitor në Hajvali, me lojtarë nga kampionati vendor dhe me lojtarë që luajnë në vendet evropiane.

Postime të ngjajshme
Sport

Drenica, liderja e re e Superligës: Tahir Lushtaku synon daljen në garat evropiane me skuadrën nga Skënderaj

Sport

Eksperti britanik inspektoi fushën e stadiumit “Fadil Vokrri”

Sport

Tetë pjesëmarrës nga Kosova do të vijojnë kursin evropian për administratorë sporti

Sport

Suedi – Kosovë, për vetëm tri orë rekord i shitjeve të biletave