Sport

Kosova triumfon përballë Gjeorgjisë

Kombëtarja e Kosovës ka fituar ndeshjen e parë në histori në një kampionat botëror, duke mposhtur Gjeorgjinë.

“Dardanët” ia dolën të triumfojnë me rezultat minimal 0 – 1, ku zhvilluan paraqitje shumë të mirë, shkruan lajmi.net.

Elbasan Rashani nisi një aksion duke pasuar te Valon Berisha që harkoi për Vedat Muriqin, ky i fundit goditi me kokë dhe topin e devijoi Khochalova (18’) – VIDEO.

Dy skuadrat pastaj krijuan edhe disa aksione që ishin të pasuksesshme.

Në pjesën e dytë, Kosova luajti edhe më mirë duke poseduar më shumë topin dhe ndërtuar aksione të shkëlqyeshme, që gjithashtu u mungonte finalizimi.

Sulmuesi Lirim Kastrati humbi një rast të 100 për qindtë një kundër një me portierin, gjë që ishte rasti më i rrezikshëm në këtë pjesë.

Në fakt, Kosova gjeti golin sërish përmes Vedat Muriqit, mirëpo u anulua nga VAR-i për pozitë jashtë loje.

Gjeorgjia në fund provoi të krijonte aksione, mirëpo mbrojtja e Kosovës ishte thjeshtë e çeliktë.

Vlen të ceket edhe debutimi i Mirlind Kryeziut në minutat e fundit të kohës së rregullt.

Kjo fitore për Kosovën është e para në histori për Kampionat Botëror, derisa tani renditën në pozitën e tretë me tre pikë, derisa Gjeorgjia në fund me një sosh.

Ndërkohë, pas tre ditëve, “Dardanët” e motivuar e presin Greqinë në “Fadil Vokrri”, kurse me 8 shtator i bëjnë ‘konak’ Spanjës.

Postime të ngjajshme
LajmeSport

Joshua - Usyk, këtu mund ta shikoni "LIVE" meçin!

LajmeSport

Momenti kur Florian Marku shpallet kampion

LajmeSport

FLORIAN MARKU TRIUMFON PËRBALLË BOKSIERIT UKRAINAS NË LONDËR

LajmeSport

Mbyllet rundi i pestë në ndeshjen Marku – Prodan, këto janë disa nga lëvizjet e menqura të boksierit shqiptar