Kombëtarja e Kosovës e ka nisur me humbje vitin 2020.
Dardanët’ janë mposhtur nga Suedia me rezultat minimal 1-0, në ndeshjen miqësore të zhvilluar në Doha të Katarit shkruan Gazeta inFokus.
Në duelin e zhvilluar në stadiumin “Al Ahli Stadium”, kosovarët luajtën më mirë, duke pasur shumë raste shënimi, por pa arritur të gjejnë rrugën e golit.
Golin e vetëm në këtë takim për suedezët e shënoi Simon Hedlund në minutën e 75’ të ndeshjes.
Në këtë ndeshje luajtën edhe një numër i madh i futbollistëve që luajnë në Superligën e Kosovës.
Ky ishte një test i mirë i trajnerit Bernard Challandes për të parë nga afër cilësinë e lojtarëve që luajnë në elitën e futbollit kosovar.