Adrian është shndërruar hero te Liverpool që në paraqitjen e parë.
Portieri 32 vjeçar, u transferua te Liverpool nga skuadra e West Ham United pa ndonjë kompensim, për të qenë zëvendësues i Alisson Becker.
Por lëndimi i Alisson në ndeshjen e xhiros së parë në Premierligë, i dha mundësi të shkëlqyer Adrian, për të debutuar te Liverpool.
Adrian ishte në portën e Liverpoolit edhe në finalen e Superkupës së Evropës, ku mbrojti penalltinë vendimtare të Tammy Abraham.
Trajneri i Liverpoolit, Jurgen Klopp, është deklaruar shumë i kënaqur për kontributin e heroit të papritur te skuadra e tij.
“Çfarë historie. Adriannn, si Rocky Balboa”, ishte reagimi i Klopp pas ndeshjes.