Skuadra e Ballkanit ka shënuar fitore ndaj Flamurtarit me rezultatin 3:1, në takimin e zhvilluar sot në Therandë, në kuadër të javës së 11-të të IPKO Superligës së Kosovës.
Skuadrën e Ballkanit drejt këtij triumfi e ka udhëhequr ndihmës trajneri Agim Maliqi, i cili mori timonin e skuadrës në mungesë të trajnerit Ismet Munishi.
Maliqi në një prononcim për BlicMedia është shprehur i lumtur me lojën e treguar nga futbollistët e tij në këtë përballje tejët të rëndësishme.
“Jemi të kënaqur shumë me ekipen, si dhe me angazhimin e pashoq. Lojtarët i krynë detyrat të cilat javë kemi parashtruar gjatë javës”, ka thënë fillimisht Maliqi.
“Një ndeshje e fituar me plot meritë, edhe njëherë i urojmë futbollistët për angazhim të pashoq në fushë.
Falendërojmë edhe presidentin e klubit që është gjithmonë afër lojtarëve”, ka deklaruar Agim Maliqi.
Ballkani pas kësaj fitoreje rënditet në pozitën e dytë në rënditjen tabelare me 23 pikë të tubuara, një më pak se lideri momental Gjilani. /BlicMedia.net