Drenica e pret skuadrën e Trepçës ’89, në kuadër të javës së 14-të në IPKO Superligën e Kosovës në futboll.
Para kësaj sfide tejet të rëndësishme në një prononcim për BlicMedia ka folur trajneri i kuqezinjëve, Tahir Lushtaku.
“E dim që do jetë një ndeshje e vështirë edhe pse luajm si vendas para tifozëve tanë”, ka thënë Lushtaku.
“Ne jemi mundu të punojna për këtë sfidë kundër Trepçës ’89 dhe jam optimist që me një angazhim dhe lojë kolektive e me një diciplin të lartë gjatë ndeshjes, të arrijna fitoren dhe tri pikë që janë shumë të rëndësishme për ne në vazhdim të kampionatit”, ka deklaruar trajneri Tahir Lushtaku.
Drenica – Trepça ’89 luhet nesër në Skenderaj me fillim nga ora 13:00. /BlicMedia.net