Lajme

Kërkohet dorëheqja e Vjosa Osmanit: Çka të bëjmë nëse na sulmon Serbia?

Pas infektimit me virusin korona, publicisti kosovar nga Amerika, Ukë Lushi, i ka kërkuar dorëheqjen nga njëri post kryekuvendares dhe ushtrueses së detyrës së presidentes, Vjosa Osmani.

Në një postim në Facebook, Lushi thotë se infektimi i Osmanit me Covid-19 ia pamundëson asaj kryerjen e obligimeve që i shtrojnë dy funksionet e larta shtetërore që ushtron aktualisht.“Tash zonja Osmani-Sadriu qenka infektuar dhe e sëmurë me Covid-19, çfarë do ta detyrojë të karantinohet dhe izolohet. Situatë kjo që vështirëson apo në të vërtetë pamundëson kryerjen e obligimeve të një pune e lëre më të dy punëve më të rëndësishme në shtet”, ka shkruar ai.

Postimi i plotë:Kur para ca javësh thirrja që Vjosa Osmani-Sadriu të dorëzonte njërën nga punët e saj si Kryeparlamentare dhe si U.D. e Presidencës, bukur shumë shqiptarë mu hodhën në grykë si skifterë të uritur që nuk mendojnë më larg se çka shohin para syve në moment.Tash zonja Osmani-Sadriu qenka infektuar dhe e sëmurë me Covid-19, çfarë do ta detyrojë të karantinohet dhe izolohet. Situatë kjo që vështirëson apo në të vërtetë pamundëson kryerjen e obligimeve të një pune e lëre më të dy punëve më të rëndësishme në shtet.

Unë kisha bërë thirrje në moralin e zonjës Osmani-Sadriu pikërisht duke marrë parasysh situata të mundshme të jashtëzakonshme si pandemia dhe arrestimi i liderëve kryesor shetetëror dhe parlamentar. Por shumë shqiptarë ma përplasnin Kushtetutën e imponuar të Kosovës për fytyrë.Çfarë thotë Kushtetuta tash, të dashur shqiptarë?!

Si duhet të veprojmë pa lideren kushtetuese nëse na sulmon Serbia këto ditë të lëngatës së zonjës Komandante Supreme të Forcave Mbrojtëse të Kosovës dhe Kryetares së Kuvendit?!Kushtetuta e Kosovës duhet të bëhet e Kosovës. Shteti i Kosovës duhet të bëhet i Kosovës.

Ky rast duhet të na shërbejë si rast kthese kur Kosova i shikon dhe përshtat dokumentet e saj për Kosovën.Shteti i Kosovës, jam i bindur, do të gjejë mënyrë dhe formë, të mbijetojë edhe pa zonjën Osmani-Sadriu këto momente të vështira për shtetin dhe zonjën Osmani-Sadriu.U.D. në Presidencë dhe Kryeparlamentares Osmani-Sadriu i dëshiroj shërim dhe rekuperim sa më të lehtë dhe sa më të shpejtë!

Postime të ngjajshme
Lajme

Lajm i mirë: Mblidhen 100 mijë euro për shërimin e të riut nga Suhareka

Lajme

Kushdo që e shihni këtë person, lajmërojeni menjëherë policinë

Lajme

Humb betejën me COVID-19, mjeku i njohur kosovar

Lajme

Kjo është procedura për tërheqjen e 10-përqindëshit nga Trusti