.
Lajme

“Kam me pagu dikë me ta heq kokën”/ 75-vjeçari kërcënon fqinjin e tij në prezencë të Policisë në Prishtinë

Një person i moshuar ka përfunduar në prangat e Policisë mesditën e sotme, pasi dyshohet se ka kërcënuar seriozisht fqinjin e tij në Prishtinë, raporton Gazeta Sinjali.

Sinjali mëson se gjithçka ka ndodhur sot në rrugën ‘Llapi’ në kryeqytet, kur 75-vjeçari kishte hyrë në oborrin e shtëpisë së ankuesit dhe e ka kërcënuar me fjalët ‘kam me pagu dikë me ta hekë kokën, kam me të vra”.

Me kërcënime ndaj fqinjit të tij, i moshuari kishte vazhduar edhe në prezencë të njësiteve policore të cilët dolën në vendin e ngjarjes menjëherë pasi morën informatën për ngatërresën mes tyre.

Në prani të policëve, 75-vjeçari kishte deklaruar se ‘e di unë çka i bëj atij’.

Kjo bëri që ai menjëherë të arrestohet e më pas të shoqërohet në stacion policor për intervistim.

Me vendim të prokurorit, atij i është caktuar masa e ndalimit në kohëzgjatje prej 48 orësh dhe i njëjti do të hetohet nën dyshimet për kryerjen e veprës penale ‘Kanosje’.

/GazetaSinjali/

Related posts
Lajme

KEDS njofton se kush mbetet nesër pa energji elektrike deri në 7 orë

Lajme

Pronari i një restoranti e ndjek me thikë klientin në Sarandë

Lajme

Mehaj e Kurti organizojnë ndejë në Jezerc për nder të mërgimtarëve

Lajme

LAJMI I FUNDIT: Vdes profesori i njohur kosovar