Sport

Juventusi e mbyll sezonin e Serie A me humbje

Juventusi është mposhtur në shtëpi me rezultat 3-1 nga Roma në ndeshjen e fundit të sezonit 2019/20 në Serie A.Zonja e Vjetër ka fituar matematikisht titullin kampion në Serie A për këtë sezon dhe ndeshjet e fundit i ka luajtur pa motiv, duke lejuar disa humbje.

E fundit erdhi nga Roma, pasi trajneri Maurizio Sarri kishte vendosur të luajë me lojtarë të ekipit të dytë dhe nga ekipi i të rinjve.Pjesa e parë e ndeshjes ishte thuajse e barabartë, por Roma arriti të shënojë dy gola, kundrejt një të Juventusit.

Megjithatë, vendasit kaluan të parët në epërsi me anë të Gonzalo Higuain, i cili shënoi në minutën e pestë për 1-0.Roma arriti të kthehet në lojë në minutën e 23-të duke barazuar 1-1 me anë të Nikola Kalinic, ndërsa Diego Perotti (44’) shënoi nga penalltia për 1-2.

Në pjesën e dytë, u zhvillua përsëri lojë e barabartë, por vetëm kryeqytetasit arritën ta gjejnë golin.Goli i vetëm në këtë pjesë erdhi në minutën e 52-të dhe ishte Perotti, i cili shënoi për 1-3 dhe ky doli të ishte rezultati përfundimtar.Në këtë ndeshje për Juventusin debutoi edhe lojtari shqiptar, Giacomo Vrioni që u inkuadrua në lojë në minutën e 79-të në vend të Higuain.Juventusi e mbylli sezonin e Serie A në vendin e parë me 83 pikë, ndërsa Roma e pesta me 70 pikë

Postime të ngjajshme
Sport

Rikthehet Europa League, sot zhvillohen katër ndeshje interesante

Sport

Flasin statistikat: Amir Rrahmani më i miri në Serie A

Sport

Rikthimi i Ligës së Kampionëve: Gjithçka që duhet të dini

Sport

‘Lutuni për Libanin’ – yjet shqiptarë të futbollit reagojnë në rrjete sociale për tragjedinë