Lajme

Joe Biden zyrtarisht president, ky ishte plani i tij për Kosovën

Joe Biden tashmë është edhe zyrtarisht president i Shteteve të Bashkuara të Amerikës pasi Senati ka certifikuar rezultatin e zgjedhjeve presidenciale. Një vendim i tillë i Senatit ka ardhur pas një dite të keqe për demokracinë amerikane, që erdhi si pasojë e përkrahësve të Trumpit të cilët dhunshëm u futën në Capitol Hill. Si pasojë e gjithë rrëmujës të vdekur kanë mbetur edhe 4 persona.

Përgjatë fushatës zgjedhore, Joe Biden, pati prezantuar një plan 7 pikësh për Kosovën dhe shqiptarët, ku premtonte një qasje plotësisht ndryshe nga Donald Trump.

Biden në letrën e tij ka premtuar një bashkëpunim të ngushtë me BE’në sa i përket dialogut Kosovë-Serbi duke theksuar se do të respektohet integriteti territorial i Republikës së Kosovës dhe se fundi i negociatave do të jetë njohja reciproke.

“Ai do të punojë në partneritet me Bashkimin Evropian për të ringjallur dialogun midis Kosovës dhe Serbisë, me qëllimin për të lehtësuar një zgjidhje stabilizuese – të drejtë dhe gjithëpërfshirëse midis dy vendeve që respekton integritetin territorial të Kosovës dhe të arrihet njohja reciproke”, thuhet në pikën e parë të letrës.

Gjithashtu Biden ka premtuar përkrahje për forcat e NATO-së në Kosovë dhe ka prekur edhe temat për të cilat përgjegjëse është BE-ja, siç janë liberalizimi i vizave për Kosovën dhe procesi i integrimit.

Administrata Biden-Harris ka shpalosur planin që paraqet një rikthim të qëndrimit të para katër viteve të diplomacisë amerikane që i lejoi zërin kryesor europianëve në këtë kontest. BE u detyrua të veproj më me vrull në zgjidhjen pas intervenimit të administratës Trump, dhe ka pak gjasë që do të mund të garantoj zgjidhje të plotë e të qëndrueshme pa mbështetjen e asaj të Biden.

Postime të ngjajshme
Lajme

Nga këto komuna janë rastet e reja me koronavirus

Lajme

Këto janë rastet e reja me Covid-19

Lajme

Të gjitha vendimet që u morën sot në mbledhjen e Qeverisë Hoti

Lajme

Infektologu kosovar thotë se edhe në Kosovë mund të jetë i pranishëm varianti i ri i Covid 19