Kampioni në fuqi, Feronikeli do të përballet me Ferizajin në kuadër të javës së shtatë në IPKO Superligën e Kosovës.
Kjo ndeshje luhet ditën e shtunë me fillim nga ora 13:00 në stadiumin “Rexhep Rexhepi” në Drenas.
Para kësaj sfide jashtëzakonisht të rëndësishme në një prononcim për BlicMedia, ka folur futbollisti i Feronikelit, Jean Agostinho da Silva – Carioca.
“Ne jemi duke e pritur një ndeshje shumë të vështirë. Sezonin e kaluar ne kemi humbur ndeshjen kundër tyre në shtëpi dhe gati kemi humbur titullin e Kanpionit. Ne kemi punur që ti evitojmë gabimet dhe të bëjmë një paraqitje të mirë kundër Ferizajit”, ka thënë fillimisht Agostinho da Silva.
“Ne nuk duhet ti bëjmë gabimet e njëjta si në ndeshjen e fundit ndaj tyre. Ne do të luajm një ndeshje me presion dhe të sigurt duke mos rrezikuar”.
Braziliani në fund ka thënë se e respektojnë shumë skuadrën e Ferizajit por në stadiumin tonë duhet të bëjmë më të miren që rezultati të jetë në favorin tonë.
Përballja Feronikeli – Ferizaji luhet ditën e shtunë me fillim nga ora 13:00 në Drenas. /BlicMedia.net