Kryetari i Komunës së Skenderajt Bekim Jashari ka vizituar dje klubin e futbollit “Drenica”, për të përcjellë nga afër një pjesë të stërvitjeve të tyre.
Ai në bashkëbisedim me futbollistët e Drenicës premtoi se komuna që ai drejton do të vazhdojë t’i përkrahë ata me të gjitha mundësitë që posedojnë.
Jashari në fund ka uruar futbollistët e KF “Drenica” për suksese në të ardhmen.
Skuadra e Drenicës në Superligën e Kosovës momentalisht është në pozitën e 7-të në tabelë.
Ekipi i udhëhequr nga Tahir Lushtaku grumbullon gjithsej 17 pikë, pas 12 xhirove.