Lajme

IKSHPK, në raportin ditor bënë të ditur se janë mbi 12 mijë raste aktive

Gjatë 24 orëve të fundit në Kosovë shkak i infektimit me SARS CoV2 kanë vdekur 14 persona. Ndërkaq janë shënuar edhe 807 raste të reja me COVID-19.

Ku në total numri i rasteve pozitive me COVID-19 që prej 13 marsit kur edhe janë paraqitur dy rastet e para, numri i të prekurve nga ky virus ka shkuar në 32 mijë e 22. E shkak i këtij virusi deri më tani kanë vdekur 874 persona.

Instituti Kombëtar i Shëndetësisë Publike të Kosovës (IKSHPK) në raportin ditor ka bërë të ditur se janë 12 mijë e 124 raste aktive me COVID-19.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.816 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 807 raste pozitive.

Brenda 24 orëve janë raportuar 14 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 3 raste (87, 78, 56 vjeç), Fushë-Kosovë 2 raste (69, 51 vjeç), Prishtinë 2 raste (77, 73 vjeç), Gjilan 1 rast (77 vjeç), Kamenicë 1 rast (87 vjeç), Mitrovicë 1 rast (73 vjeç), Podujevë 1 rast (85 vjeç), Rahovec 1 rast (70 vjeç), Shtime 1 rast (61 vjeç) dhe Suharekë 1 rast (71 vjeç).

Numri total i rasteve pozitive është 32.022 raste nga 125.792 persona të dyshimtë në virusin SARS-CoV-2 dhe 874 raste të vdekjes. Gjatë 24 orëve të fundit, janë shëruar 677 pacientë derisa numri i përgjithshëm i të shëruarve deri më sot është gjithsej 19.024 raste, kurse numri i rasteve aktive është 12.124”, thuhet në njoftimin e IKSHPK-së. 

Postime të ngjajshme
Lajme

OBSH’ja paralajmëron për valën e tretë të koronavirusit

Lajme

Nxehen nga Nisma e “sulmojnë” Vjosa Osmanin

Lajme

Skandaloze: Zyrtari i MTI-së keqpërdor pagesën e licensave, u kërkon ryshfet kompanive

Lajme

Presidenti serb tregon kush ia ndaloi hyrjen në Kosovë