Sport

I pari i FFK-s, Agim Ademi uron Fushë Kosovën dhe Rahovecin

Presidenti Agim Ademi nëpërmjet një mesazhi ka uruar KF Fushë Kosova dhe KF Rahoveci, të cilat e përmbyllën kampionatin në Ligën e Dytë në dy pozitat e para në renditje, duke e siguruar kalimin në Ligën e Parë për edicionin e ardhshëm.

Fushë Kosova iu gëzua titullit të kampionit në Ligën e Dytë, njofton FFK-ja, përcjell Demokracia.com.

Derisa Rahoveci me fitore në javën e fundit ndaj rivalit direkt, Bashkimit (2:0) arriti ta sigurojë vendin e dytë dhe rikthimin në nivelin e dytë të futbollit tonë.

Mesazhi i plotë i presidentit Ademi:

“Të nderuar drejtues, trajnerë, futbollistë, staf teknik dhe tifozë të KF Fushë Kosova dhe KF Rahoveci, më lejoni që në emrin tim dhe të KE të FFK-së t’ju uroj për suksesin e arritur në këtë edicion të Ligës së Dytë, përkatësisht inkuadrimin në Ligën e Parë.
Me paraqitjet tuaja mbresëlënëse gjatë këtij edicioni arritët që të riktheheni në Ligën e Parë, që ishte synimi juaj si klube, por edhe i tifozëve tuaj besnik ‘Pampurat’, përkatësisht ‘Vreshtarët’.
Ju përgëzoj për këtë sukses dhe uroj që organizimi dhe puna brenda klubeve tuaja të vazhdojnë në frymën profesionale, në mënyrë që t’i shërbeni garës dhe ngritjes së mëtejme të cilësisë në Ligën e Parë.
Ju priftë e mbara!
Me respekt,
Agim Ademi – President i FFK-së”.

Postime të ngjajshme
Sport

Ish-mjeku i Eriksen, jep detajet tmerruese lidhur me futbollistin dhe tregon çfarë mund t’i ketë ndodhur

Sport

ZYRTARE: A&N përforcohet me ish-futbollistin e Lirisë

Sport

Mourinho i çmend tifozët e Romës, po e transferon yllin nga Real Madridi!

Sport

Ky lojtar largohet nga Trepça ’89