Lajme

I kanë “ndezur motorët” liderët e partive kryesore në vend

I kanë “ndezur motorët” liderët e partive kryesore në vend. Ata u janë kthyer aktiviteteve në terren, në intensitetin që janë parë rëndom para fushatës elektorale për zgjedhje në nivel nacional, përveç LDK-së që pret ta marrë Qeverinë pa iu nënshtruar garës.

Albin Kurti, kryeministër në detyrë dhe lider i LVV-së, parti më e madhe në vend, të mërkurën ka vizituar Mitrovicën dhe Podujevën. Kadri Veseli, kryetar i PDK-së, subjekt politik më i madhi në opozitë, këtë ditë e ka pasur pushim, por ka qenë më aktivi në dhjetë ditët e fundit. Ramush Haradinaj, i cili e drejton AAK-në, të mërkurën është ndalur në Malishevë, në kuadër të turit të vizitave të degëve të partisë, gjithandej Kosovës, shkruan KOHA.

LDK-ja është parti e dytë në nivel vendi, dhe me nismën e saj është rrëzuar Qeveria Kurti. Ajo është duke llogaritur në formimin e Qeverisë së re, konform Dekretit të presidentit Hashim Thaçi, i cili është pezulluar nga Gjykata Kushtetuese derisa të jepet verdikti për kushtetutshmërinë e tij.

Albert Krasniqi, drejtor i Programeve në organizatën “Demokraci Plus”, ka theksuar se në përgjithësi partitë politike në Kosovë nuk i mirëmbajnë lidhjet e tyre me anëtarësinë dhe elektoratin jashtë cikleve zgjedhore. Ai ka rikujtuar se këtë mungesë të komunikimit aktiv mundohen ta kompensojnë në prag të zgjedhjeve, kryesisht përmes intensifikimit të takimeve me strukturat partiake për të mobilizuar votuesit.

Postime të ngjajshme
Lajme

Ahmeti merr përgjigje nga Kurti rreth çerdheve

Lajme

13 raste me COVID-19 në Kosovë, dy të shëruar

Lajme

Raportohet se te martën mund të thirret seanca për të votuar ‘Qeverinë Hoti’

Lajme

Hapet peticioni i Vetëvendosjes, me kërkesën për zgjedhje