Sport

Humbi stinorin vjeshtor për shkak të lëndimit, sulmuesi premton rikthim të fuqishëm në pranverë

Edhe pse me një diferencë bukur të madhe (-9 pikë) nga lideri i tabelës Drita, Prishtina vazhdon të mbetet konkurrente në luftë për titullin e kampionit dhe nuk e ka ndërmend të dorëzohet njëherë.

Trajneri bardhekaltër Zekirija Ramdani, ka thënë se derisa matematika e lejon, ata nuk dorëzohen kurë, derisa beson se në pranveror mund të arrijnë këtë objektiv.

Motivin e trajnerit të skuadrës kryeqytatese e rrit edh rikthimi i sulmuesit Alban Shillova, i cili për shkak të një lëndimi humbi komplet stinorin vjeshtor. Ai tashmë ka lënë anash lëndimin dhe është gati të jap kontributin e tij në fanellën bardhekaltër.

“Kam pasur një lëndim të mundimshëm me muskuj qe e humba komplet gjysmën e stinorit”, ka thënë për “Zeri.info”, Shillova i cili po beson se tashmë ka tejkaluar këtë sfidë edhe është gati për fushë.

“Po shpresoj që tashmë e kam kaluar dhe më mbetet vetëm të përgatitem sa më mirë fizikisht dhe ta kapi formën më të mirë të mundshme”, vlerësoi sulmuesi bardhekaltër, skuadra e së cilit në vjeshtë duhet pranuar që e ndjeu mungesën e tij, kjo pasi në shumë ndeshje përkundër rasteve të shumta për gol kishin vështirësi ta gjenin rrugën e rrjetit.

 

Shillova ka komentuar edhe deklaratën e trajnerit Ramadani i cili rikthimin e tij e cilësoi si përforcimin më të madh të janarit.

”Është e vërtetë që trajneri ka besim jo vetëm në mua por në të gjithë grupin që kemi dhe kjo është një motiv shumë i madh për neve të gjithëve që të japin maksimumin sa herë që të na jepet mundësia”, përgundoi, Shillova.

Postime të ngjajshme
Sport

Limani me një premtim të madh për tifozët e Dritës para ndeshjes me Prishtinën

Sport

Këto janë ndeshjet miqësore që do t’i zhvillojë Prishtina në Turqi

Sport

Këta janë kundërshtarët që Drita do të përballet në ndeshjet miqësore në Turqi

Sport

Amir Prepolli, menaxheri dhe rehatuesi i klubeve kosovare në Turqi