Lajme

Hiqet flamuri nga Kalaja e Artanës, s’dihet kush e bëri?

-ADVERTISEMENT-
-Advertisement-

Flamuri gjigant i Republikës së Kosovës, i vendosur në Kalanë e Artanës, dyshohet se është hequr nga serbët lokal.

Ky skandal është konfirmuar nga kryetari i Komunës së Novobërdës, Svetisllav Ivanoviq.

Ai deklaroi se flamuri kosovar, që u ngrit të enjten në kështjellën mesjetare, është larguar nga aty, transmeton Indeksonline

“Ne ishim në vendin e ngjarjes këtë mëngjes, pamë që gjithçka ishte rrëzuar sikur asgjë nuk kishte ndodhur. Ne diskutuam gjithashtu rastin me anëtarët e shërbimit policor”, deklaroi Ivanoviq.

Ai tha se askush nuk e ka informuar qeverisjen lokale për vendosjen e flamurit, duke shtuar se për një veprim të tillë është informuar nga mediat.

“Ne nuk ishim informuar fare se ishte vendosur, por përmes mediave mësuam se diçka po ndodhte atje. Askush nuk na informoi, as Ministritë, as organizatat joqeveritare dhe punonjësit e komunës nuk e dinin se çfarë po ndodhte”, deklaroi kryetari i komunës së Novobërdës.

Ndryshe, televizioni shtetëror serb, “RTS”, raportoi rreth vendosjes së flamurit.

Edhe i ashtuquajturi drejtor i zyrës së qeverisë serbe për Kosovë Marko Gjuriq ka deklaruar me rastin e vendosjes së flamurit shtetëror në kalanë e Artanës, se “kjo kala kurrë nuk do të jetë monument kosovar”.

“Pas kësaj mund të shtrohet pyetja se çfarë është në vijim, ndoshta vendosja e shqiponjave të zeza shqiptare në vend të kryqeve nëpër kisha”, ka pyetur Gjuriq.

Sipas fjalëve të tij, vendosja e flamurit të Kosovë në këtë kala “paraqet një akt të revizionizmit historik”.

“Kalaja e Artanës është një prej lokaliteteve kyçe historike serbe, dhe çdo tentim që ajo të paraqitet në ndonjë dritë tjetër nuk është asgjë tjetër përveç se akt i fshirjes së dhunshme të historisë”, ka thënë Guriq.

Ai edhe e ka mbajtur një ligjëratë të vogël historike duke treguar se “Artana në mesjetë ishte një qytet multietnik, ku kanë jetuar serbët, sasët, grekët, dubrovnikasit dhe të tjerët”.

-Advertisement-
Postime të ngjajshme
Lajme

Nuk jam ateist, Valon Syla tregon se në çka beson

Lajme

E pazakontë: Majmuni shijon rrezet e diellit në ballkonin e një banese në Prishtinë

Lajme

‘Eskalon’ deputeti i VV-së, me akuza ndaj Kryeziut: Po mërzitesh që s’po fiton Radoiçiqi, shyqyr që po iu bien maskat

Lajme

Jabllanoviq: Nëse dikush mendon se serbët mund të qeverisen me 200 vota, nuk i njeh serbet sa duhet