Lajme

Hajni që po terrorizon Prishtinën, shikojeni se si futet në banesa tek Mati 1

Rastet e vjedhjeve në Prishtinë janë rritur ndjeshëm javëve të fundit. “Mati 1” është një nga lagjet më të atakuara nga hajnat gjatë këtij viti.

Një i ri, shtatgjatë, me kapelë, është një nga hajnat që po kërkohet nga policia dhe që i njëjti dyshohet se është i specializuar për thyerjen e shumë banesave.

Indeksonline ka siguruar pamjet ku hajni thyen një banesë në Mati 1, konkretisht një banesë te kompleksi “Sarajet e Matit”, banesat e Pozhegu Brothers.

Nga pamjet e siguruara, shihet se hajni qëndron për 20 minuta duke u sillur vërdallë, duke bërë lëvizje të dyshimta. Me kapelë dhe pa adresë, hajni përcjellë lëvizjet e banorëve tek ky objekt banesor.

Në orën 20:30, ai arrin që përmes gypit përcjellës të ujit “ullukut”, të futet në ballkonin e një banese në katin e parë. Me kaqavidë, hajni arrin të thyej derën e ballkonit për të depërtuar në banesë. 10 minuta i janë dashur atij që të vjedhë gjësende me vlerë, laptopë, ari dhe gjëra të tjera me vlerë mijëra euro.

Nga pamjet shihet se si hajni kërcen nga ballkoni me gjërat e vjedhura në dy çanta.

Banorët e objektit në fjalë janë duke bashkëpunuar me Policinë e Kosovës për kapjen e hajnit në fjalë dhe të tjerëve që sillen vazhdimisht rreth këtyre objekteve.

Kjo është hera e gjashtë që brenda pak muajve hajnat ia mësyejnë vjedhjeve në këtë objekt.

https://www.facebook.com/watch/?ref=external&v=502210167583744

Postime të ngjajshme
Lajme

I moshuari: S’kam pasë virus, sot dyshoj që e mora këtu

Lajme

Arben Vitia shkarkon dy zyrtarë të shëndetësisë

Lajme

Citaku: E tmerrshme, nëna ime ka pritur katër orë për të marrë vaksinën Anti Covid

Lajme

Snajperisti gjerman i Koshares i komenton Vjosa Osmanit, ia poston foton nga qendra e vaksinimit