Tifozët “Fc Drita” nga Gjilani kanë bërë të ditur se mbrëmë në 2-30 pas mesnate kanë arritur furnizimet e tyre të ndihmave në Durrës.
Ata kanë bërë thirrje që sot qytetarët të sjellin udhqime të konservuara, ujë dhe ushqim, pasi që janë nevoja kryesore.
Sipas njoftimit aksioni do të filloj edhe sot në ora 9:00 te pllatoja e Teatrit të Qytetit.
“Në orën 2:30 pas mesnate të gjitha furnizimet tona mbërritën në Durrës.
Sot po e vazhdojmë aksionin tonë përsëri, nga ora 9:00 do të jemi përsëri në të njejtin vend, pra te pllatoja e Teatrit të Qytetit.
Pasi që nevoja kryesore janë ushqimet (të konservuara), uji, qumështi lutemi që ti keni parasysh këto kërkesa.
Me mjetet financiare që do të tubohen gjatë ditës së sotme do të blejmë produktet që i kemi cekur më lartë.
Do të jemi deri në ora 19:00 në pritje të furnizimeve”, shkruajnë në njoftim./io/