Lajme

Gjermania alarmon banorët e saj: Mos shkoni në Kosovë

Ministria e Jashtme e Gjermanisë ka aktualizuar paralajmërimin për qytetarët gjermanë që duan të udhëtojnë drejt Kosovës për shkak të gjendjes së rëndë me COVID-19.

“Kosova është zonë e rrezikut pandemik ku kujdesi shëndetësor dhe mjekësor është larg standardeve medicinale që ekzistojnë në Gjermani dhe se në spitale ka shumë pak kapacitete për një trajtim mjekësor intensiv”, thuhet në njoftim.

Tutje në paralajmërimin e MJGJ, theksohet se “infektimet ditore me koronavirus në Kosovë janë të larta dhe kontinuitive”.

Fillimisht, në paralajmërimin e Ministrisë së Jashtme të Gjermanisë thuhet se sektori konsullor dhe ai juridik në Ambasadën gjermane në Prishtinë, ofron shërbime të kufizuar për shtetasit gjermanë dhe kjo bëhet për shkak të orarit të kufizuar të punës, që kushtëzohet nga pandemia COVID-19.

Në paralajmërimin e bërë të enjten, më 29 prill, të gjithë shtetasit gjermanë, që planifikojnë të udhëtojnë drejt Prishtinës, njoftohen se Kosova është në listën e vendeve të rrezikuar nga pandemia COVID-19 dhe se për këtë arsye qytetarët gjermanë këshillohen të mos marrin rrugën drejt këtij vendi pa ndonjë arsye të fortë.

Në paralajmërimin e publikuar në faqen zyrtare të Ambasadës gjermane në Prishtinë, mes tjerash theksohet se “kujdesi shëndetësor dhe mjekësor në Kosovë është larg standardeve mediciale, që ekzistojnë në Gjermani dhe se në spitalet e Kosovës ka shumë pak kapacitete për një trajtim mjekësor intensiv”.

“Spitalet janë të ngarkuara me numër të madh të pacientëve dhe se shtrimi me simptoma të vogla dhe të mesme është i pamundur. Për qytetarët e huaj që hyjnë në Kosovë kërkohet posedimi i testit negativ COVID-19 i njohur si PCR test më së largu 72 orë para udhëtimit”, thuhet në njoftim.

Po ashtu, qytetarëve gjermanë, të cilët përkundër rrezikut dëshirojnë të udhëtojnë drejt Kosovës, u bëhet me dije se në rrugët dhe ambientet publike, mbajtja e maskës është e detyrueshme dhe se në vend zbatohet ora policore, duke filluar nga 22:30 deri në 5:00 të mëngjesit. Ndërkaq, shtetasit gjermanë, paralajmërohen se në rast se sëmurën në Kosovë, Ambasada gjermane nuk mund t’i ndihmojë, të kthehen në Gjermani.

Gjithashtu, theksohet fakti se qytetarët mund të befasohen nga vendime të papritura kufizuese që në të kaluarën janë marrë Brenda natës nga Qeveria e Kosovës për shkak të pandemisë COVID-19.

Postime të ngjajshme
Lajme

Vdes këmbësori pasi u godit nga një veturë në Prishtinë

Lajme

Ky është parashikimi i motit për ditët e ardhshme

Lajme

Detaje/ Si e plagosi dhëndrri mikun përgjatë kohës sa po udhëtonin bashkë

Lajme

Plagoset një person në Prishtinë, Policia jep detaje për rastin