Sport

Flet blerja bombastike e Gjilanit

Blerim Krasniqi është futbollisti më i ri që është bashkuar me Gjilanin.

Sulmuesi shqiptar është bashkuar me ‘Skifterat’ pas një eksperience me kampionët në fuqi të Shqipërisë, Teutën e Durrësit.

E në një prononcim dhënë faqes zyrtare të klubit, Krasniqi ka zbuluar fillimisht edhe arsyen pse zgjodhi Gjilanin para ofertave tjera.

“Projekti dhe ambiciet e klubit më kanë bindur që t’i bashkohem klubit të Gjilanit. Është një klub shumë serioz dhe i organizuar. Një mundësi e mirë për lojtarët që të ndjejnë veten shumë komod, me kushte të mira për punë dhe shumë gjëra tjera që i nevojiten një futbollisti”, tha Krasniqi për faqen zyrtare të klubit.

“Skuadra dhe drejtuesit e klubit më kanë pritur shumë mirë dhe shpresoj që kështu të shkoj edhe ambientimi im”, vazhdoi tutje Krasniqi.

Tutje ish-anëtari i Skënderbeut dhe Teutës së Durrësit ka thënë se ka ardhur te Gjilani për t’i përmbushur objektivat e klubit e që ato janë madhore.

“Futbolli në Kosovë është sfidë e re për mua. Jemi këtu për t’i përmbushur objektivat e klubit dhe së bashku me ekipin dhe shpresojmë që në fund t’i gëzojmë edhe tifozët”.

“Nuk jam futbollist që i pëlqen fjalët, por tifozëve i’u premtoj vetëm punë dhe angazhim. Presim përkrahje të madhe nga ta këtë sezon, pasi që edhe objektivat janë madhore”, tha Krasniqi.

Postime të ngjajshme
Sport

"Efekti" Berisha rriti vlerën e Prishtinës, tani bardhekaltërit bëhen klubi më i shtrenjtë në Kosovë!

Sport

Batatina i kundërpërgjigjet “Xhebrailave”

Sport

Ronaldo biznesmen i suksesshëm, i ndryshoi jetën 40 mijë njerëzve

Sport

Ish futbollisti i Prishtinës nënshkruan për skuadrën e njohur evropiane